У Слуцку рамантуюць раённую бальніцу
Опубликовано 20.05.2014
Па словах намесніка галоўнага ўрача ўстановы, у дадзены момант рамантуюць другі пост неўралагічнага аддзялення, пачаты рамонт першага паверха дзіцячай паліклінікі, фасадаў будынка Грэскай участковай бальніцы.
Вядуцца работы па добраўпарадкаванні прылягаючай да харчавога блока ўстановы тэрыторыі: старое асфальтавае пакрыццё мяняюць на тратуарную плітку, укладваюць новыя бардзюры. Работы выконвае ПМК-225.
З наступнага тыдня плануюць прыступіць да рамонтных работ у кабінетах стаматалагічнай паліклінікі, якія таксама будуць выконвацца гаспадарчым спосабам.
Па словах Мікалая Анатольевіча, сродкі на правядзенне рамонтных работ выдзяляюцца з абласнога бюджэта. На два кварталы гэтага года на гэтыя віды работ запланавана зрасходаваць 2 мільярды 300 мільёнаў беларускіх рублёў. Па стане на 15 мая асвоены 1 мільярд 700 мільёнаў беларускіх рублёў.
